咁多位早晨，我今日黎，係想同你地講個故事既 :係幾年前，我同一個寡婦結左婚，佢有一個已成年既女，後來嫁左比我老豆。咁我繼女就做左我後媽，而我老豆就做左我女婿。兩年後我老婆同我生左一個仔，佢係我後媽既同母異父既細佬，我個仔叫我「老豆」，我就叫我個仔「舅父」。我繼女又為我老豆生左一個仔，佢係我細佬，但佢又要叫我外公。我係我老婆個老公，但係我老婆係我後媽個阿媽喎，所以我係自己既外公。到左新年，黎料啦，我就同我後媽同我老豆，即係同我繼女同女婿交換利是，又同我個仔，即係我舅父交換，我封廿蚊比佢，丫佢竟然封張一百蚊比我，真係多謝舅父!講到我細佬，我都唔知封唔封比佢好，冇理由阿哥比利是細佬架...但係心諗我又係佢外公，所以都係比左十蚊佢買野食算數。食團年飯果陣，我係抬面上面放左一封利是，再拎返封利是上手，叫左聲 :「多謝外公!」
credit: wolf yeung
Search